Пациентті талдаулар тапсыру рәсіміне дайындау

Сенім телефондары

Директор Е.Ш. Нұрлыбаевпен жеке кездесулер: сейсенбі және бейсенбі күндері сағат 16:00-ден 17:00-ге дейін.
Медициналық бөлімі жөніндегі директордың орынбасары П.А. Богославскиймен жеке кездесулер: сәрсенбі күндері сағат 16:00-ден 17:00-ге дейін. Жазылу үшін телефон: 41-54-53

Жалпы қан талдауы

Мақсаты: Сіздің жағдайыңызды объективті бағалау.

Пациентті дайындау:

жалпы қан талдауын тапсыру үшін арнайы дайындық талап етілмейді;
қан зерттеуге таңертең, аш қарынға тапсырылады;
талдау алдында шылым шегуге болмайды;
физикалық жүктеме орындамау керек;
талдауды алу емдеу-диагностикалық рәсімдер жүргізілгенге дейін жүзеге асырылады.

Көрсетілген ұсыныстарды дәл орындауыңыз өте маңызды, себебі тек осы жағдайда ғана құнды нәтижелер алынады!

Пациентті талдаулар тапсыру емшарасына дайындау

Биохимиялық, иммунологиялық қан талдауы

Мақсаты: Сіздің жағдайыңызды объективті түрде бағалау

Пациентті дайындау:

қарсаңындағы кешкі ас соңғы рет сағат 20.00-ден кешіктірілмеуі тиіс;
ащы, майлы, қуырылған тағамдарды және тәттіні көп мөлшерде тұтынбау керек;
зерттеуге қан таңертең, аш қарынға тапсырылады;
талдау алдында шылым шекпеу керек;
дене жүктемесін орындамау қажет;
талдау алу емдік-диагностикалық емшаралар жүргізілгенге дейін жасалады;
гормондарды қабылдағанға дейін;
дәрілік препараттарды қабылдағанға дейін.

Пациентті талдаулар тапсыру емшарасына дайындау

Қандағы қант мөлшері

Пациентті дайындау:

соңғы ас ішу қан алудан кем дегенде 6-8 сағат бұрын болуы керек, яғни таңертең аш қарынға;
зерттеу қарсаңында ащы, майлы, қуырылған тағамдарды, тәттіні көп мөлшерде тұтынбау керек;
таңертең зерттеу алдында пациент эмоционалды тыныш күйде болуы тиіс;
талдау алдында шылым шекпеу керек;
дене жүктемесін орындамау қажет.

Пациентті талдаулар тапсыру емшарасына дайындау

Гликемиялық профиль

Мақсаты: тәулік бойы қандағы қант деңгейін динамикалық бақылау.

Пациентті дайындау:

пациент үш тәулік бойы үйреншікті тамақтану режимін сақтауы тиіс;
зерттеу қарсаңында соңғы ас ішу кешкі сағат 20.00-21.00-ден кешіктірілмеуі керек;
таңертең зерттеу алдында пациент тыныш күйде болуы тиіс;
талдау алдында шылым шекпеу керек;
дене жүктемесін орындамау қажет;
таңертең аш қарынға глюкоза мөлшерін анықтау үшін саусақтан қан алынады. Одан кейін пациент әдеттегі таңғы асын ішеді;
таңғы астан кейін 120 минуттан (2 сағаттан) соң қан қайта алынады;
қан әр тамақ ішудің алдында және тамақтанғаннан кейін 90 минуттан соң алынады (эндокринологтың және емдеуші дәрігердің тағайындауы бойынша).

Пациентті талдаулар тапсыру емшарасына дайындау

Зәрді жалпы клиникалық зерттеу

Мақсаты: Сіздің жағдайыңызды объективті бағалау.

Пациентті дайындау:

бөлімшенің мейіргерінен аты-жөніңіз, бөлімше және палата нөмірі көрсетілген зәр жинауға арналған ыдысты алу;
дене жүктемелерінен бас тарту;
зәр жинау алдында сыртқы жыныс мүшелеріне бөлінділер түспеуі үшін оларды сабынмен жуып, мұқият гигиеналық тазалау жүргізу қажет;
таңертеңгі зәрдің үлесін жинау керек: алғашқы бірнеше миллилитрін унитазға төгіп, содан кейін барлық зәрді ыдысқа жинап, бөлімше мейіргері көрсеткен орынға жеткізу керек.